ದುಃಖವೆಂಬುದು ಇಲ್ಲದೆ ಹೋಗಿದ್ದರೆ,ಸಂತೋಷಕ್ಕೆ ಎಲ್ಲಿರುತಿತ್ತು ಬೆಲೆ ?
ಕಂಡುಕೊಳ್ಳುತ್ತಿದ್ದೇವೆ? ನಾವು ದೇವರಲ್ಲಿ ನೆಲೆ ?
ಇರುತ್ತಿತ್ತೆ? ಪಶ್ಚಾತಾಪ,ಕೃತಜ್ಞತೆಯ ಸೆಲೆ ?
ಹೆಣೆಯಲಾಗುತ್ತಿತ್ತೆ ? ಆತ್ಮಾವಲೋಕನದ ಬಲೆ?
ದುಃಖವಿರಬೇಕು,ಸಂತಸದ ಮಹತ್ವವವನರಿಯಲು
ದುಃಖವಿರಬೇಕು,ಭಾವನೆಗಳೊಡನೆ ಸರಸವಾಡಲು
ದುಃಖವಿರಬೇಕು, ನಮ್ಮನ್ನು ನಾವರಿತುಕೊಳ್ಳಲು
ದುಃಖವಿರಬೇಕು,ನಾವು ಮನುಷ್ಯರಾಗಿರಲು
ಇಂದು ನೀ ದುಃಖದಲ್ಲಿದ್ದರೆ,ಚಿಂತಿಸಬೇಡ
ಜೀವನದ ದಾರಿಯಲಿ,ನೆಮ್ಮದಿಯ ಸುಳಿವಿಲ್ಲದಿದ್ದರೆ,ಚಿಂತಿಸಬೇಡ
ದುಃಖವಿರುವುದು,ಕಲಿಸಲು ನಿನಗೆ ಜೀವನದ ಕಲೆ
ದುಃಖವಿರುವುದು, ತಿಳಿಸಲು ನಿನಗೆ ಸಂತೋಷದ ಬೆಲೆ
--ಭಾವನಾ
No comments:
Post a Comment