ಆಯಿತು ನನಗೆ ಇಪ್ಪತ್ತಾರು ವರುಷ,ಹೇಗೆ ಕಳೆದವೋ ಇಷ್ಟು ವರುಷ ?
ಚಿಕ್ಕಂದಿನಲ್ಲಿ ಹುಟ್ಟುಹಬ್ಬವೆಂದರೆ ಇರುತಿತ್ತು ಅದೇನೋ ಹರುಷ
ಈಗ ಹುಟ್ಟುಹಬ್ಬ ನೆನಪಿಸುವುದು ಕೇವಲ, ಹೆಚ್ಚಾಗುವ ವರುಷ
ಪ್ರತಿ ಹಬ್ಬ ಪೇರಿಸಿತು ಅದೆಷ್ಟೋ ಭಾವ,ಬೆಳೆದೆ,ಕಲಿತೆ, ನಾ ಅದೆಷ್ಟೋ ಹಾವಭಾವ
ಗರಿಗೆದರಿತು ಪ್ರೌಢತೆ,ಕ್ಷೀಣಿಸಿತು ಮುಗ್ಧತೆ
ಯವ್ವನವು ಚಿತ್ರಿಸಿತು ಹಲವೆಂಟು ಕತೆ
ಭಾವಗಳು ಬೆಳೆದಂತೆ,ಹೆಚ್ಚಿತು ಭಾವ ಬೆಸೆವ ತವಕ
ಭಾವಗಳ ಸ್ಪಂದನೆಗೆ ಭಾವಜೀವಿಗಳ ಹುಡುಕಾಟ
ಅರ್ಥವಾಗದ ಭಾವಗಳಿಗೆ ಅರ್ಥ ಹುಡುಕುವ ಗೊಂದಲ
ನನ್ನನ್ನು ನನ್ನವರಿಗೆ ಅರ್ಥೆಸುವ ಯತ್ನದಲಿ ಕೆಲವೊಮ್ಮೆ ಆದೆ ನಾ ವಿಫಲ
ಪ್ರತಿ ವರುಷ ಸೇರಿಸಿತು ಹೊಸತೊಂದು ಅನಭವ ,ಹೊಸತೊಂದು ಬಾಂಧವ್ಯ .
ಬಾಂಧವ್ಯ ದ ನಂಟಿನಲಿ ಶಾಶ್ವತವಾಗಲು ಮತ್ತೆ ಪ್ರಯತ್ನ
ಹೀಗೆ ಭಾವುಕತೆಯ ಸುಳಿಯಲ್ಲಿ ತೇಲಿ ಹೋಯಿತು ಇಪ್ಪತ್ತಾರು ವರುಷ
-ಭಾವನಾ
No comments:
Post a Comment