Wednesday, May 4, 2011

ಹರುಷದಲ್ಲಿದ್ದಾಗ ಕವನವೊಂದು ಬರೆವ ಆಸೆ


ಹರುಷದಲ್ಲಿದ್ದಾಗ ಕವನವೊಂದು ಬರೆವ ಆಸೆ ನನಗೆ
ದುಃಖದಲ್ಲಿದ್ದಾಗ ಬರುವ   ಭಾವಗಳ ತೀವ್ರತೆ, ಬರದು ಸುತ್ತಮುತ್ತಲಿದ್ದಾಗ ನಗೆ
ಸಂತಸದ ಕ್ಷಣಗಳನು  ಪದಗಳಲ್ಲಿ ಹಿಡಿದಿಡಲು ಪಟ್ಟೆ ನಾ ಪ್ರಯತ್ನ ಬಹಳ
ಆದರೆ ಭಾವದ ಪದಗಳು ಹಾಳೆಯ ಮೇಲೆ ಉದುರಿದ್ದು ವಿರಳ

ದುಃಖದಲ್ಲಿದ್ದಾಗ ಹಾಳೆಯ ನಂಟು ಅಚ್ಚು ಮೆಚ್ಚು
ಈ ಮನಸ್ಸಿನ ವೇದನೆ ಹಾಳೆಯ ಬಿಟ್ಟು , ಇನ್ಯಾರಿಗೂ ತಿಳಿಯದು  ಹೆಚ್ಚು
ಹಾಳೆಯೊಡನೆ ವ್ಯಕ್ತ ಪಡಿಸಿದ ಅನಿಸಿಕೆಗಳು ನೂರೆಂಟು
ಖೇದ,ಈರ್ಷೆ,ಹಂಬಲ,ಬಯಕೆ,ಖಿನ್ನತೆ,ಕನಸು, ಇನ್ನು ಹಲವೆಂಟು

ಮನಸ್ಸಿಗೆ ಹೀಗೊಂದು  ಬಂದ ಆಲೋಚನೆ
ದುಃಖದಲ್ಲಿ ಮಾತ್ರ ಕವಿಯಾಗುವ ನಾನು
ಸಂತಸದಲ್ಲಿ ಯಾಕೆ ಕವಿಯಗಲಾರೆ ನಾನು ?
ಮನದಲ್ಲಿ ಹೀಗೊಂದು ಚಿಕ್ಕ ಆಸೆ
ಹರುಷದಲ್ಲಿದ್ದಾಗ ಕವನವೊಂದು ಬರೆವ ಆಸೆ

No comments:

Post a Comment